Һепертке барыһын да "уҙҙырҙы"

Бөгөн Баймаҡ ҡалаһының йәкшәмбе баҙарында сауҙа итеүселәр ҙә, һатып алыусылар ҙа аҙ булды.Көндөң буранлап тороуы ла быға сәбәпсе булғандыр.
Үткән аҙналағы баҙарға ҡарағанда ҡайһы бер аҙыҡ-түлеккә, тауарға хаҡтарҙың артыуы күҙәтелде.Мәҫәлән, һөткә (1,5 литры - 100 һум), аҡ эремсеккә (1 кг - 100-150 һум), һыйыр итенә ( 350-480 һум), күркә итенә (1 кг - 450), ҡаҙыға (1 кг - 700) күтәрелде.Ә бына селек һеперткеһенең берәүһенә 75 һум һоранылар.Ошоға тиклем уның берәүһен 25 һумға һата инеләр.
Йылҡы итен - 450-480, бер баш ҡыҙыл эремсекте - 90-100, ҡоротто - 80-90, ҡаҙ итен - 500, 1 биҙрә картуфты 350 һум менән һаттылар.Бер пар миндекте 150 һум менән алырға мөмкин булды.